GO!AZEN-en 10. denboraldiko azken atalaren aurrestreinadia eta aktoreekin topaketa antolatu ditugu urtarrilaren 25ean Donibane Lohitzunen.
Go!azen ETB 1eko telesail musikala da. Fikzio honek udaleku zorrotz batean euskaldun gazteen talde baten ibilerak ditu ardatz. 2008an sortu zen EiTBko film musikal bat bezala, Go!azen izenburupean hamargarren denboraldia duela aste bat estreinatu zen, eta 2024ko urtarrilaren 26an bukatuko da. Baina bezperan, urtarrilaren 25ean, azken atalaren aurre difusioa iraganen da aktoreen presentziarekin. Aurten ere Donibane Lohizuneko Le Sélect zine gelan ematen dugu hitzordua arratsaldeko 18:30etan.
Sarrerak salgai dira denda atalean.
