Gaur 42. Herri Urrats ospatu dugu. Elgarrekin ospatu dugu aurtengo besta, urteetan denon maitasunarekin eraiki dugun horri bultzada eman diogu, eta aurrerantzean ere elgarrekin eraikitzen jarraitzeko konpromisoa hartu.
Milaka izan dira Aintzirara zerua begiratu gabe hurbildu diren euskaltzaleak, eta egun ederra ospatu dugu: musika, jai-giroa, poza eta ikastolenganako atxikimendua aintziraren ertz guztietara eraman ditugu. Mila esker bihotz-bihotzez gaur egun eder hau posible egin duzuen norbanako eta euskaltzale guztiei. Zuei esker egin dugu, eta hurrengo edizioetan ere zuei esker egingo dugu.
Alta, eguraldia zinez ezegonkorra izan da azken orduetan, eurite handiak izan dira, eta horrek Herri Urratsera nahi baino euskaltzale gutxiago etortzea eragin du. Horixe nabaritu dugu. Hori dela eta, etxean geratu behar izan duten euskaltzale horiei guztiei, eta lagundu nahi duen orori, sostengua ematera deitzen zaituztegu, Seaskak eta Ipar Euskal Herrian murgiltze eredua bermatzen duten ikastolek aurrera egin dezaten. Horretarako, ekarpen ekonomikoak egiteko bideak zabaldu ditugu. Honako hauek dira:
Caisse d'epargne
FR76 1333 5000 4008 9397 1116 819
Credit Mutuel
FR76 1027 8023 8500 0201 4340 107
Laboral Kutxa
ES87 3035 0059 8205 9073 1197
Kutxabank
ES98 2095 5045 8710 6117 7332
Laguntza Euskotan
790 152 743
Bizum (Hego Euskal Herrian):
Sartu bizumen - dohaintzak egiteko atalera sartu - idatzi 'HERRI URRATS' , eta egin ekarpena.
Honako kodigoa txertatu beharko duzu: 07508
Elgarrekin lortuko dugu euskarari eta Ipar Euskal Herriko ikastolei arnasa eta hauspoa ematea. Mila esker aldez aurretik denoi. Heldu den Herri Urratsean ikusiko dugu elkar. Sarri arte.
